Flörken Monumenta Rhenaniae Historica

Texte und Bilder zur Geschichte des Rheinlandes, Band 4
1. Auflage 2024
ISBN: 978-3-7583-9506-2
Verlag: BoD - Books on Demand
Format: EPUB
Kopierschutz: 6 - ePub Watermark

E-Book, Deutsch, Band 4, 224 Seiten

Reihe: Monumenta Rhenaniae Historica

Texte und Bilder zur Geschichte des Rheinlandes, besonders Bonn, Köln und Umgebung

Autoren/Hrsg.

Flörken, Norbert

Leseproben

1463 MÄRZ 26 KURKÖLNISCHE ERBLANDESVEREINIGUNG
Das Domcapitel, die Edelmannen, Ritterschaft und Städte des Erzstiftes Coin stellen als Erblandesvereinigung die künftige Verfassung des Stiftes auf, welcher sich jeder zu wählende Erzbischof vor der Huldigung eidlich zu unterziehen habe [=Erblandesvereinigung]4 Wir dechen und capittel der kirchen zome doyme in Coelne und wir Gerhart greue zo Seyne, Wilhelm greue zo Virnenburg erffschenck, Johan herre zo Ryfferschit greue zo Salmen etc., erffmarschalck, Friderich son zo Ronckell und greue zo Wyede, Girlach herre zo Jsenburg, Wilhelm herre zo Rychensteyn, Herman herre zo Rennenberg, Diderich und Peter burchgreuen zo Rynecke herren zo Broiche und zo Thoenberg gebrodere, und Johan son zo Rynecke, edelmanne; und wir Johan herre zo Gymnich und zo Visschell, Lutter Quayde herre zo Thoenberg und zo Lantzkroene, Henrich herre zo Drachfeltz, Aelff Quaide herre zo Elner, Euert Quaide, Johan van Eynenberg herre zo Lantzkroene, Johan elste son zo Gymnich, Johan van Hemberg erffkemener, Rutger van Vrentze, Johan van dem Nienwege, alle rittere; Scheyffart vamme Roide herre zo Hemmersberg, Emont Beissell van Gvmnich, Scheiffart vamme Roide herre zo Bornhem, Johan Hurte van Schonecke, Johan van Gymnich zo Berge und Clais syn son, Wilhelm und Thoenis van Oirsbecke heren zo Oilbrucke, Clais van Drachfeltz herre zo Oilbrucke, Engelbricht van Hemberg erffkemener van Bachem, Diderich van Gvmnich zo Vlertzheym, Johan und Driees Beyssell van Gymnich, Wilhelm van Hoesteden, Wilhelm Quaide her Lutters son, Johan und Goedart Schallen van Belle, Reynhart van Bulich und syn soene, Johan Spiess zo Vrechen, Heinrich van Gluwell, Gyse Kessel van Nurberg, Diderich Scherffgyn, Daym van Belle, Geirlach van Bruynsberg, Heinrich, Johan und Wynrich Koluen, Peter Blanckart, Lodewich van Meckenhem, Daym van Ylem, Johan Kolue van Arwylre, Gerhart Blanckart und syn son Frederick van Rondorp und syn zwene soene, Johan und Philips Schrammen van Hoirem, Daym und Heinrich van dem Bongart, Karle van Meternich, Johan van Widdersteyn, Walter Kolue, Philips Roiss, Johan van Meternich, Thoenys Ammelonck, Schillinck van Ossendorp, Heinrich van dem Forste, Kirstgyn van Anstelen und syn soene, Wynrich van Frentze, Herman van dem Forste, Sybgyn van Meternich, Wilhelm Kruseler, Peter van Pissenhem, Breidmar und syn broder Welter van Dreysse und syn soene, Herman van Hersell, Goedart Ruymschottell, Johan und Goedart van Breitbach, Girlach van Breitbach, Johan van Ketge, Gerhart van der Gracht, Clais van Mcckcnhem und Conrait <399> van Kottenhem, rittersdhafft; und wir burgermeistere, scheffen, reede und gantze gemeynde der stede Bonne, Andernach, Nuysse, Arwylre, Lynss, Bercke, Keyserswerde , Zoyntze, Urdyngen, Kempen, Reymbach, Zulphe und Lechenich des stichtz van Coelne doin kunt und bekennen: Als der eirwirdige furste unse lieue herre her Diderich5 ertzbusschoff zo Coelne selige dem got gnade doitzhaluen affgegangen ist und durch feede oirloge und andere mannichfeldich vurnemen und handelonge buyssen wissen und willen des capitels, edelmanne, ritterschafft und stede des stichtz vurschreuen zogegangen und ouch in geistlichem und werentlichem staide die gerychte und ander sachen nyet na yederrnans volkomenre behoerlicher noittorfft behalden und verhandelt worden synt; so hain wir vurgenant dem almechtigen gode, Marien synre lieuer moider und dem guden sent Peter unsme patrone zo loeuen und zo eren as dieghene die der kirchcn und gestichte vurschreuen mit erfthuldongen und sust sonderlingen bewant und da ynne geerfft und geguet syn und zosamen gehoerent, umb sulchs und ander gebrechen der undersaissen vortan zo verhueden und in dem besten zo versorgen, mit gudem vurraide zo nutze beste freden und waillfart derseluer kirchen und gestichte und der undersaissen gemeynlichen etzliche punte und artikell eyndrechtlichen darouer begryffen, geslossen und uns darup zosamen gedain, verdragen und verstenelichen vereynicht und syn des gentzlichen ouerkomen und eyns worden, dat wir samen noch besonder geynen zokomenden herren des gestichtz van Coelne in zokomenden tzyden zolaissen ader untfangen noch yem eyde, huldonge oder geloiffde doin sullen, he enhaue zierst dieselue stucke und punten bevor bewilcht, beliefft und zogelaissen und so viel jn dieselue stucke und punten antreffent und beroerent geloifft und zo den billigen geswoeren und darup ycklichem staide syn sigell und brieue geuen sall dat zo doyn zo halden und gentzlichen zo vollentzehen na lude der vereynonge in maissen herna beschreuen voulgt. 1. Item dat geistliche gerychte in dem sale so zo bestellen, dat sulch gerychte gotlich und fromelich und recht zoghe, dat datselue gerychte bestalt werde mit eirberen officialen segeleren, advocaten, notarien und procuratoren, dat mallich arm und ryche unuertzochlich recht gedyen und widderfaeren moige und dat die Sachen durch den herren nyet aduociert noch upgeschort werden und darup eyn reformacie gemacht werde as dat beschreuen recht und die statuten dat cleirlichen innenhaldent; und dede der vurschreuen eyncher darentboyuen yedt, dat sall der herre straiffen. 2. Item dat alle werentliche gerychte zo machen und zo bestellen, dat arme und ryche und mallich sonder indracht unuvrtzocht recht gedyen moge na gewoinheit und loiff der gerychte und dat die gerychte van dem herren ader den amptluden nyet vorter upgeschort werden. 3. Item dat vry gerichte in Westphalen also zo bestellen, dat die undersaissen geynen den anderen dar laden noch heisschen sall, die sich eren und rechtz vur syme herren und gerichten erboide da under hey gesessen were, id enwere dan sache dat yem der sulchs zo doyn hette, dat recht ader der uyssdracht van dem herren oder gerychten da under hey gesessen were vertzogen ader verslagen wurde. 4. Item alle greuen vryhen ritterschafft stede und gemevn lantschafft des stichtz van Coelne by yren vryheiden, privilegien und aldem herkomen zo halden und ungedrenckt blyuen laissen. 5. Item dat die zokomende herre geynen kriech anheuen sall buyssen wissen und willen des capittels und gemeynre lantschafft. 6. Item dat eyn zokomende herre die ondersaissen des stichtz van Coelne vre lyff, haue und guet nyet enverschryue, want durch sulche verschryuonge die undersaissen des stichtz geroifft gebrant und zo groissen schaden komen synt. 7. Item Edelmanne und ritterschafft by yrre alder vryheit der zolle zo laissen und yn yre goit zo wasser und zo lande tolvry ungehindert up yre brieue und sigel volgen und varen laissen. 8. Item Keyserswerde die Freedburg und Bilsteyn by dem sticht van Coelne zo behalden und dieselue slosse nyet anders dan mit guden Coelschen luden zo besetzen. 9. Item dat eyn zokomende herre besonder geloyue und swere, sigell und brieue geue, dat hey die vereynonge des landtz van dem Berge vort sigell und brieue van unsme heren selige die darouer gegeuen synt halde und in den sachen aff noch zoe endoe buyssen wissen und willen capittels edelmannen ritterschafft stede und gemeynen lantschafft zo samen. 10. Item wae dat sticht van Coelne ouerbuwet ist zo wasser ader zo lande, vort ouergrauen off anders verdeilt ader versplyssen ist, dat sall eyn herre keren und inmanen na alle synre vermogen. 11. Item dat eyn zokomen bene geyn leistschoult enmache buyssen wissen und willen <400> des capitels 12. Item wanne dat capittel eyndrechtlichen ader dat meiste deill van dem capittell einen herren gekoren und erwelt hait, off dan yemant wer der ouch were bynnen ader buyssen dem capittell an sulche koir druge zweydrachten und oneyndrechticheit in dem sticht machen woulde, so sullen asdan edelmanne ritterschafft stede und gemeyn lantschafft dem also erwelten herren gehoirsamheit doin mallich na syme geboir dem erwelten herren up syne cost by dem stichte helffen behalden und der sachen sall der herre yn eyn heufftmanne syn. 13. Item wanne dat capittell eyndrechtlichen ader dat meiste deill van dem capittcll eynen herren gekoiren und erwelt hait, so sall hey van stunt na der confirmacien priester werden und sich laissen consecreren. 14. Item wanne eyn capittell nutz und noit bedunckt syn, edelmanne ritterschatft und stede by sich zo beschryuen, dat sy dat doyn mogen sonder indracht des herren und dat dan dieselue lantschafft dem capittell volgen sall, darup ritterschafft stede und gemeyn lantschafft dem herren sweren sullen und anders nyet. 15. Item desgelichen off sache were dat edelmanne ritterschafft ader stede sementlichen ader in sonderheit van dem capittell umb redeliche ursache begerden ouch in maissen vurschreuen by eyn zo komen, dat sall yn dat capittell nyet weigeren; und off dat also geweigert wurde, des doch nyet syn ensall, so sall eyn erffmarschalck des stichtz van Coelne die macht hauen in gelicher maissen zo doyn, desseluen der marschalck nyet weigeren noch vertzoch machen sall. 16. Item dat eyn zokomende herre eynen stanthafftigen rait machen sall van geistlichen und werentlichen personen, also doch dat der geistlicher personen geynre in eyncher kirchen dechen sy, uyssgescheiden den dechen und capittell des doymps, want die alsoment als eyn lytmait zo des herren rait gehoerent, vort die werentliche personen des stichtz van alders man und in dem sticht gesessen syn; dartzo ouch alle tzyt der herre in syme raide by yern hauen sall zwene herren uyss dem capittell. 17. Item dat edelmanne off undersaisse des stichtz van Coelne in disser vereynonge den anderen veeden rouen brennen noch mit gewalt schedigen sall dem an redelichem uysstrage genoicht ungeuerlichen. 18. Item dat eyn zokomende herre noch syn amptlude...